19/08/2022

विराट अनलाइन खवर

समाचार राजनीति मानोरञ्जन विचार सुचनाप्रविधि र अरु धेरै खवरको जानकारी

यदि तपाई सहकारीमा पैसा जम्मा गर्दैहुनुहुन्छ भने सोच्नुहोस है । कतै आफ्नो पैसा लिनको लागि आन्दोलन त गर्नु पर्दैन ?

बराह ग्रुप अफ कम्पनी, बराह बचत तथा ऋण सहकारी संस्थाको चल अचल सम्पत्ति. बैंक खाता रोक्का गर्ने र सञ्चालक समिति, पूर्व सञ्चालक, उपसमिति, व्यवस्थापक, कर्मचारी र उनीहरुको नातागोताको चलअचल सम्पत्ति रोक्का गरी छानबिन गर्नुपर्ने माग राखेर बचतकर्ताहरुले धर्ना दिन थालेका छन् । आन्दोलनरत बचतकर्ताहरुका अनुसार सहकारीले २०७८ पुसदेखि नै वचतकर्तालाई वचत भुक्तानी दिन छोडेको थियो । कार्यालय पनि बन्द भयो, पछि सूचना जारी गरेर चैत २२ गतेदेखि दिने बतायो । २२ चैतमा बराह ग्रुपका अध्यक्ष शिव लामिछाने र सहकारीका अध्यक्ष मानबहादुर दियालीले पत्रकार सम्मेलन गर्दै वैशाख १५ गतेदेखि बचतकर्ताको रकम भुक्तानी गर्ने जानकारी दिए । १५ वैशाखमा कार्यालय पनि खुल्यो । तीन दिन दैनिक २०० जना वचतकर्तालाई १० हजारका दरले रकम पनि दियो । तर त्यसपछि बन्द भएको कार्यालय खुल्दै खुलेन ।

पछिल्लो पटक ७ जेठमा पीडितले संघर्ष समिति गठन गरेका छन्, जसले वडास्तरीय उपसमिति बनाएर तथ्यांक संकलन गर्दा उक्त सहकारीमा शेयर सदस्य पाँच हजार ८८ जना र बचतकर्ता १३ हजार ५५४ रहेको पुष्टि भयो । धरान उपमहानगरपालिका- ११ का कर्णबहादुर राईको परिवारको मात्रै मुद्दती खातामा ६२ लाख र चल्ती खातामा ४ लाख गरी करिब ६६ लाख रुपैयाँ रकम यो सहकारीमा छ । बराहले मुद्दतीमा १२ देखि १८ प्रतिशतसम्म ब्याज दिने भन्दै वचत संकलन गरेको थियो ।

बचतकर्ताको करिब ७ अर्ब रकम बराह सहकारीमा रहेको संघर्ष समितिको दाबी छ । प्रवक्ता बास्तोलाका अनुसार संघर्ष समितिले सबै पीडितले न्याय पाउनुपर्ने र अध्ययन समितिको प्रतिवेदनको निष्कर्ष अनुसार बराह ग्रुप अफ कम्पनी, सहकारीको चल अचल सम्पत्ति रोक्का, बैंक खाता रोक्का गर्ने र सञ्चालक समिति, पूर्व सञ्चालक, उपसमिति, व्यवस्थापक, कर्मचारी र उनीहरुको नातागोताको चलअचल सम्पत्ति रोक्का गरी छानबिन गर्नुपर्ने माग राखेको राखेको छ ।

पीडितहरुको दबावपछि धरान उपमहानगरपालिकाले आर्थिक विकास महाशाखाका वरिष्ठ अधिकृत भक्तिराज शर्माको संयोजकत्वमा पाँच सदस्यीय समिति गठन गरेको छ । तर थप प्रक्रिया अगाडि नबढाएकाले भन्दै संघर्ष समितिले उपमहानगरपालिका परिसरमा धर्ना दिन थालेको छ ।

त्यसक्रममा आइतबार मेयर हर्क साम्पाङको कार्यकक्षको झ्यालको सीसा फुटाएका छन् । संघर्ष समितिका प्रवक्ता बास्तोला भन्छन्, ‘हामी न्याय माग्न जाँदा वार्ता टोलीलाई तपाईंहरुले पैसा राख्ने बेला मलाई सोधेर राख्नुभएको थियो भनेर गैर जिम्मेवारपूर्ण जवाफ दिएपछि हामी पीडितहरु आक्रोशित भएका हौं ।’

आर्थिक प्रशासन महाशाखाका प्रमुख भक्तराज शर्माले भने आइतबार सहकारीको नाममा भएको चल अलच सम्पत्ति रोक्काकालागि पत्राचार गर्ने निर्णय भएको बताए । आइतबार धरान उप–महानगरपालिका मेयर हर्क साम्पाङलाई भेटेका उनीहरुले सोमबार पनि सहकारीको कार्यालयमा धर्ना दिएका छन् ।

आन्दोलनरत बचतकर्ताहरुका अनुसार सहकारीले २०७८ पुसदेखि नै वचतकर्तालाई वचत भुक्तानी दिन छोडेको थियो । कार्यालय पनि बन्द भयो, पछि सूचना जारी गरेर चैत २२ गतेदेखि दिने बतायो । २२ चैतमा बराह ग्रुपका अध्यक्ष शिव लामिछाने र सहकारीका अध्यक्ष मानबहादुर दियालीले पत्रकार सम्मेलन गर्दै वैशाख १५ गतेदेखि बचतकर्ताको रकम भुक्तानी गर्ने जानकारी दिए ।